miércoles, 21 de septiembre de 2016

MANIFESTACIÓN 22 DE SETEMBRO AS 18:00 h.













O Xefe Territorial afirma na prensa que FOANPAS pide o peche do bacharelato en San Tomé e Santa Irene. FALSO.
FOANPAS pide que San Tomé e Santa Irene teñan a mesma consideración que o resto dos centros de secundaria da zona e ofrezan todas as liñas de bacharelato que precisen para garantir aos seus alumnos da ESO a continuación dos seus estudos no mesmo centro. Tamén pide que estes centros admitan ao alumnado da ESO que son capaces de atender.
O Xefe Territorial afirma que os escolares de Navia tardarán cinco minutos en chegar ao instituto de Valadares. FALSO.
Os nenos de Navia, xa este ano, collen o autobús ás 7:45 para chegar ás súas clases ás 8:45 en Valadares, en primeiro curso da ESO.
O Xefe Territorial afirma que o Alexandre Bóveda ten catro centros adscritos (Balaidos, Seis do Nadal, Virxe do Rocío e Illas Cíes) e que o Castelao de Navia está adscrito a Valadares. FALSO.
O Alexandre Bóveda ten agora mesmo cinco centros adscritos (Balaidos, Seis do Nadal, Virxe do Rocío, Illas Cíes e Castelao). Para modificar a adscrición, tal e como a normativa establece, a persona titular da xefatura territorial ten que escoitar ao consello escolar municipal e a xunta provincial de directores, tras informe da inspección educativa. Este trámite non foi levado a cabo.
Estas afirmacións falsas son publicadas xusto un día despois de que o Conselleiro se comprometese públicamente ante as ANPAs a facer un estudo técnico sobre a zonificación e a adscrición na nosa cidade. É este o resultado do estudo?
E afirma que estas decisións se toman tendo en conta a opinión dos centros e dos usuarios. Que centros?, que usuarios? FALSO.

POR UNHA ZONIFICACIÓN E UNHA ADSCRICIÓN XUSTA E
POLA DIMISIÓN DO XEFE TERRITORIAL


martes, 13 de septiembre de 2016

POR UNHA NOVA ZONIFICACIÓN XA!!!

Estimadas familias:

O problema da zonificación está a pasar por uns momentos complicados e a administración educativa non está a aplicar un criterio único para esta cuestión senón que está parcheando a situación, neste intre temos o exemplo dos colexios adscritos o IES Alexandre Bóveda.
O IES Alexandre Bóveda está preparado e dotado para atender a cinco liñas educativas. Este é o número de liñas que albergaba ata o curso pasado e o número de liñas que, dado o espazo físico e material determinado polas súas instalacións, pode atender de xeito adecuado.
A Xefatura Territorial dita Resolución o 5 de febreiro de 2015 pola que ordena un cambio no reparto da adscrición. Antes de producirse esta modificación, o IES Alexandre Bóveda tiña 3 centros adscritos (CEIP Seis do Nadal, CEIP Balaídos e CEIP Pintor Laxeiro) que enchían, xunto cos/coas repetidores/as que puidese haber, un total de 5 grupos que nutrían as 5 liñas do centro. Como consecuencia do cambio na adscrición, na actualidade o IES ten 5 centros adscritos (CEIP Seis do Nadal, CEIP Balaídos, CEIP Alfonso R. Castelao, CEIP Illas Cíes e CEIP Virxe do Rocío), que no anterior curso deu orixe, xunto cos/coas repetidores/as, a 6 grupos de 1º de ESO.
Por o anteriormente dito queremos unha zonificación digna para os nosos fillos, baseada no criterio de proximidade, que non teñan que pasar un proceso de baremación e ter a garantía de estar escolarizados nun IES dentro do entorno de residencia, polo cal os animamos a participar o vindeiro día 12 de setembro ás 19:00 na manifestación por unha nova zonificación en Vigo, baseada no criterio de cercanía, que sairá dende o CEIP Balaídos e o día 15 de setembro ás 19:00 na cadea humana e muralla de libros que terá lugar no IES Santa Irene.

Un cordial saúdo,
FOANPAS.


La Voz de Galicia

Faro de Vigo

Vigo al Minuto






viernes, 9 de septiembre de 2016

Moción presentada no Consello Escolar Municipal para unha nova Zonificación Escolar en Vigo



ANTECEDENTES

O IES Alexandre Bóveda está preparado e dotado para atender a cinco liñas educativas. Este é o número de liñas que albergaba ata o curso pasado e o número de liñas que, dado o espazo físico e material determinado polas súas instalacións, pode atender de xeito adecuado.

A Xefatura Territorial dita Resolución o 5 de febreiro de 2015 pola que ordena un cambio no reparto da adscrición. Antes de producirse esta modificación, o IES Alexandre Bóveda tiña 3 centros adscritos (CEIP Seis do Nadal, CEIP Balaídos e CEIP Pintor Laxeiro) que enchían, xunto cos/coas repetidores/as que puidese haber, un total de 5 grupos que nutrían as 5 liñas do centro. Como consecuencia do cambio na adscrición, na actualidade o IES ten 5 centros adscritos (CEIP Seis do Nadal, CEIP Balaídos, CEIP Alfonso R. Castelao, CEIP Illas Cíes e CEIP Virxe do Rocío), que neste curso deu orixe, xunto cos/coas repetidores/as, a 6 grupos de 1º de ESO.

O Consello Escolar Municipal de Vigo (CEMV) o pasado 19 de xaneiro de 2015 emitiu un dictame no que no seu punto 7 advirte que esta situación se produciría, xa que trasladaba a sobrecarga do IES Álvaro Cunqueiro ao IES Alexandre Bóveda, ademais do previsible aumento de poboación en Navia, que a Administración non prevía.

A día de hoxe, os centros de primaria adscritos ao IES Alexandre Bóveda suman 7 grupos de 6º de primaria, ao que se suman os/as repetidores/as, polo que a demanda de escolarización será de 7 ou 8 grupos. Por esta razón, a ANPA do IES Alexandre Bóveda e as ANPAS dos CEIPs adscritos ao mesmo asinan un manifesto común no que reclaman unha educación pública de calidade, non masificada e que dea resposta ás necesidades do alumnado e das familias, respectando así o seu dereito fundamental á educación.

TEXTO:

Polo exposto, FOANPAS, propón que se adopten os seguintes acordos:

Primeiro.- Que se faga un seguimento e unha revisión de se a nova adscrición, que prexudica ao IES Alexandre Bóveda, afecta de igual xeito a todos os centros de secundaria que puidesen verse implicados.

Segundo.- Que unha vez obtidos os datos que permitan valorar se a adscrición é acertada ou non, no caso de non selo prantexar canto antes a súa modificación.

Terceiro.- Que se apoie á comunidade educativa do IES Alexandre Bóveda na súa reivindicación diante da Consellería de Educación e Ordenación Universitaria de Galicia.